Las Vegas 2009

今年參加的第一個婚禮. 恭喜Allen & Mei! 由於婚禮係拉斯維加斯舉行,我們一家三口同嫲嫲就順便去賭城玩幾日過一個炎熱的週末.

本來係乘搭星期四傍晚的飛機到賭城...放工又要拾野又要接軒軒又要塞車去機場,仲本來要揾機場附近個廉價停車場,但實在太趕,因泊完車仲要等接駁巴士去機場. 最後放棄就去左機場停車場泊車(泊過夜超貴). 不過我們都係遲到check-in. 其實就算畀我地上到機,去到酒店都起碼8點多,軒軒又要瞓覺,大人又肚餓. 最後航空公司安排改搭星期五8點機,返屋企瞓返覺好既準備一早6點出門. 之後上網仲發現原來個廉價停車場好唔掂. 好在沒去,如果唔係FitB凶多吉少.

軒軒第一次到拉斯維加斯的行程

[090515 Fri]

• Excalibur Check-in
  軒軒一到酒店大堂就好興奮咁要落地周圍行,Mami就要做軒軒貼身保鏢,因佢行一陣就會仆倒. 軒軒行行下又會周圍聊人玩,想引人注意.
• The Strip, get show ticket, M&M Store
  由酒店行去Tix4Tonight買晚上的Dinner Show特價票,好感受到Vegas烈日當空的炎熱! 行行下軒軒嗌肚餓叫"mum mum". baBa買蛋糕畀軒軒頂住先. 在等baBa掛隊買票之際,Mami帶軒軒同嫲嫲行M&M store.
• Wynn Buffet
  人在Vegas,唔食Buffet都唔知食咩好. 不過軒軒只對Chicken Noodle Soup同Pizza有興趣. 本來片pizza係Mami食緊架,軒軒見到就伸手攞左去放入口食,仲食得好滋味.
• Tournament of Kings Dinner Show
  我地個個食buffet都食到超飽,雖然個晚餐都好吸引,但真係再食不下. 軒軒細舅父同Diana仲由LA黎左一齊睇Show. 軒軒有好幾個月都冇見過細舅父,開頭仲怕羞唔同細舅父玩,不過好快又混熟. 軒軒仲好投入睇表演,佢咁大個仔都未試過坐定定咁耐! 而Mami baBa就因為軒軒,所以都好投入同軒軒又拍手又拍檯又大叫咁睇表演. 個show裡面有個侏儒小丑,軒軒就整晚都望住個小丑,可能個小丑都係咁矮,軒軒以為佢都係自己友.哈哈.
• 之後,Mami同軒軒回房休息,好累的軒軒一上床就瞓著左. baBa就帶嫲嫲行the Strip睇夜景. baBa仲之後去XS同去賭埸掙錢幫補旅行費.

[090516 Sat]

• 中國城食早餐
  同細舅父,Diana去中國城食早餐. baBa奮鬥左一整晚後要瞓覺唔去食野. 食左小籠包,粢飯,豆漿,粥和油炸鬼. 小籠包同油炸鬼好好食. 軒軒仲自己要食油炸鬼.
• Wedding at Flamingo
  終於到黎拉斯維加斯既目的. 新人行禮中,軒軒突然落左地行去前面,好快畀baBa捉返住. 行完禮新人影相,軒軒又行去做攝石人搶鏡. 佢真係好攪笑.
• 應該去泳池享受西雅圖沒有的大太陽哂日光浴之際...軒軒,baBa同嫲嫲個個去瞓午睡. 之後食完buffet至去泳池,泳池6點就關了. Mami真係去想去泳池哂太陽睇壯男美女! 可惜,雖有等下次. 聽聞Encore at Wynn Hotel仲有半裸泳池.
• Buffet at Bellagio
  軒軒唔食Mami攞畀佢既食物,偏要Mami食緊既羊仔骨. 軒軒靜靜地啃骨頭啃了很久,中途Mami成功地餵到軒軒食好多食物.哈哈. Mami發現軒軒唔鍾意人家餵佢食野,但如果見到可以用手食的食物,好似pizza,油炸鬼,小餅乾,麵包,Quesadilla咁,佢就會好擁躍咁大嗌"mum mum",嗌到你畀佢食為止.
• Tao
  食飽飽Mami baBa就同軒軒返房沖涼瞓覺. 軒軒瞓著之後Mami baBa同其他朋友去Tao食消夜跳舞. baBa之後又去賭埸掙錢幫補旅行費. 哈哈.

[090517 Sun]

• Lunch at LAS airport
  食飽lunch上飛機係一個好明智的決定. 軒軒好乖乖咁瞓左半程機.

今次Vegas行程好輕鬆,同小朋友一齊出遊就要跟住小朋友既時間表行事,而且賭城都唔係一個好適合小朋友去既地方,所以我們沒去很多景點. 咁不如下次去L.A. Disneyland啦~ 哈哈~