所有媽媽都一樣,要是別人講自己寶貝的壞話,不管係"說者無意",但永遠都係"聽者有心",一不小心馬上被列入黑名單.
案例如下:
1. 你的Baby好大好肥or好輕好小喔. 媽媽聽到這些別人對自己寶貝的評語都"十分介意"!
有一位超白目既女生,第一次見軒軒就對著我說"哇,佢係我見過咁多BB最細粒既一個". 呢位小姐,你冇野講咪唔好講野囉. 你要我點答你,做媽咪既可能亂諗好多野,你咁講係咪話我湊得唔好? 定係話我baby身子唔好有問題? 小Baby要食多食少要長得幾高幾大,做媽既係控制唔到. 邊個做媽既唔想個B食多d. 如果係都要講野的話...請講: 你的baby好可愛/好得意/好精靈/好強壯喔...以上任何一樣都係合媽媽聽.
2. 奶粉好,母奶唔好,奶粉唔好,母奶好. 每個家庭有唔同狀況,有最合適自己的選擇. 人家的小孩人家在養,旁人沒出力又沒出奶,管什麼? 還好,Mami身邊的家人朋友對餵母奶都沒有什麼意見,而且很支持. 不過講真,如果媽媽願意辛苦又有能力的話,旁人都係發出多點正面同支持聲音好了.
3. "你仲餵緊人奶呀?" "BB咁大仲食緊人奶?" 都係一句,媽媽願意辛苦又有能力,旁人管什麼? 戒奶時間表都係由媽媽同寶寶自己決定好了.
軒軒係屬於自己戒自己奶,佢大約10/11個月大左右就開始對母乳失興趣. 食奶時間到,軒軒都仲係太忙顧住玩再唔可以安靜下來食奶,而且佢鍾意食固體食物多點. 當時佢真係食得好少奶,只有早晚兩次,其餘只食兩口. 之後返到香港就開始飲牛奶. 好奇怪,軒軒對奶粉過敏,但對鮮牛奶冇事. baBa Mami去左臺灣三日,軒軒日日同婆婆出街玩連阿媽都冇搵過. 之後就戒得都差不多了,只係返到西雅圖頭幾日食過兩次,現在軒軒係全日都飲鮮牛奶喇,飲奶既份量仲多過以前. 所以軒軒滿一歲後,Mami乳牛退休了.
*話說那位白目小姐,還問了Mami一個攪笑問題. 這位小姐在當她男友同baBa行開左就問Mami,"你老公咁好,佢都唔會厭你肥咩?" 點解會有d咁既人存在架?! 你係想話我肥,定想話我老公好呀? 已經話左我個仔瘦,仲多一單? 今次Mami唔再唔講野啦. 回返佢"我老公冇喎,你男友都好好呀,都冇厭你肥". 哈哈... 佢竟然又答返我"佢有厭我肥架". 唔該你自己搞好自己d肥肥瘦瘦先至管我地一家啦. 這位小姐好明顯已經被列入黑名單了.
Christmas 2013
11 年前
3 個回應:
Sharon, 我非常同意!
我都好介意人地點樣 comment 我個B女﹐你叫個個八婆收口啦唔該!
回Katie媽:
我相信那位小姐真係沒惡意,不過說話技巧有待改善. 看來,你一定有類似經驗.
Agree 100%.
I've gotten the same comments! I can ignore these comments when they come from people I don't care about because I always think "uh, who are YOU to judge ME and MY baby?!"
It's when the comments come from relatives that it's hard to swallow.
I've gotten over the comments about Desmond's weight, but my hot button lately has been about breastfeeding... Geesh, why should I switch to formula? I get annoyed whenever people bring that up.
發佈留言