軒B唔肯飲奶樽

近來Mami有點忙... 軒B現在清醒的時間越來越長, 下午只睡兩三次好短的小睡... 都要Mami陪玩.
上個星期Mami去左見工... Dada就在家照顧軒B. 發現原來軒B唔肯飲奶樽... 大叫大喊之餘仲用手推開個奶樽. Mami可能好快會返工, 軒B唔肯用奶樽, 咁點得架! 所以Dada同Mami要訓練軒B啦.

[5/5 11am] 軒B見到個奶樽就開始叫... 個奶嘴一入口就大喊, fing頭, 踢腳, 扭身, 仲頂番個奶嘴出黎... 就係咁過了一個鐘頭! 由於喊得太耐, 軒B喊到眼瞓. 咁Mami就親軒B半睡半醒既時候再試餵. 得左! 仲飲哂!
[5/5 2pm] 之後我地一家出左街... 所以係車埋身餵. 個衰B知道唔係食奶樽之後係度奸笑!!! 佢個笑容同眼神完全同平時唔一樣!
[5/5 6pm] 返到屋企又再試用奶樽... 今次只係扭左大約15分鐘左右, 因為Mami開莫札特音樂畀軒B聽, 軒B好快就冷靜哂咁飲奶奶. 又得左, 飲哂!

之後呢幾日都有兩餐係用樽餵. 軒B都係開頭會扭一陣頂番個奶嘴出黎, 不過好快就會乖乖咁飲奶奶. 可能軒B知道佢係鬥唔過Mami啦~ 嘩哈哈~